Santali Jaher Than

জাহের থান 

জাহের থান দ হড় হপনকোওয়াঃ ধরম জায়গা আর আতো হড় ঠেন নওয়া জাগা দ অৗডি সনত জায়গা লেকাতে লেখাঃ আ। দিকুকো ঠেন মন্দির জে লেকা,মুসলাকো ঠেন মসজিদ জে লেকা,আর খ্রিস্টানকো ঠেন গির্জা যে লেকা, ঠিক অনকাগে হড় হপনকো ঠেন জাহের থান দ।তফাদ দ খৗলি-দিকু ,মুসলা আর খ্রিস্টানকো দ আকোওয়াঃ ধরম জায়গা উদুগ লৗগিৎ দালান অড়াঃকো তেয়ারা আর আবো হড় হপনকো দ ন ওয়া মঞ্জ সিরজন আর পরিবেশর মিৎ বার দারে সাকাম চিনহৗ লেকাতে দহকাতেৎ ধরম জায়গা মেনতে বোন উদুগা। নওয়া ধরম জায়গা রেগে নায়কে দ সময় সময়, বাহারে সহরায়রে আতো পাহাটা খন বঙ্গা বুরুকো সেওয়া-দেওয়া আকোওয়া।
পাহিল হাপড়াম কোওয়া কাথা লেকাতে, সেদায় দ আবোরেন অৗগিল হাপড়ামকো বির-পাকাড় মাঃ টান্ডি কাতেকো আতো বৗসতি লেদা।উনরে মিৎ বার সারজম আর মাতকম দারে আতো বাহরেরে ইনকাগেকো দহলেৎ বাকো মাগলেৎ বঙ্গা বুরুকোওয়া দেওয়া সেওয়া লৗগিৎ। অনাগে পাহিল হাপড়াম কো মেতাওা কান তাঁহে ক জাহের থান।
জাহের থানরে সেদায়াঃ রেওয়াজ লেকাতে পেয়া সারজম দারে তাহেন রেয়াঃ কাথা-মিৎটান দ মারাং বুরু লৗগিৎ, মিৎটান দ জাহের এরা লৗগিৎ আর মিৎটান দ মঁড়েকো-তুরুইকো লৗগিৎ। নওয়া পেয়া সারজম দারে ছাড়া আর মিৎটান দারে দ পারগানা-বঙ্গা লৗগিৎ। আদ জাহেররে বঙ্গা-বুরুকো লৗগিৎ জতরে মঁড়ে গটেন দারে বঙ্গা-থল লেকাতে লাখাঃ আ।
জত হড় আতোরেগে মিমিৎটান জাহের তাহেনা, নায়কে দ আন্ডেগে আতো পাহটা খন বঙ্গাবুরুকো বঙ্গাওয়াকোওয়া। তবে বারয়া আতো শরিকী লেকাতে মিৎটেন জাহের বাকিন বেওহার দাড়েয়াঃআ যুদি হঁ বঙ্গাবুরুকো মিৎগে।