তিরি পুরুষ বাপাগ কা-করে সান্তাড় হড়াঃ অৗন-অৗরি
সান্তাড় হড় ক মুদরে বাপ্লা কাতে সে জুরি জতা কাতে তিরি-পুরুষ বাংক ওপোৎ লেন রেদ, উনকু দক বাপাগ কাকওয়া। বানার আতোরেন মৗঝি, মাপাজি ক দুড়ুপ কাতে সালা গটায়া ক উনকিন বাপাগঃ কান কিন কড়া কুড়ি কিনাঃ কৗই গুনহৗ। আর অৗকিনাঃ অনা কৗই গুনহৗ যখা কাতে রায়দ এম-গঃ আ। অনা কদ নঃ অ নংকা-কুড়ি পাহটারে কৗই ঞাম লেনখান উনদ গনং সিদি রুয়ৗড় হুয়ুঃ-আ। বাপ্লারে যাগে খরচ লেন সানামাঃ কুড়ি অড়াঃ রেন হড় ক এম রুয়ৗড় হুয়ুঃ তাকওয়া। আর অনা দক লৗই আকাৎ-আ, চারেচ হঁ চারেচ ক অৗদৗয় কওয়া। সুলুক তে এম রুয়ৗড় বাংক রেবেন লেনখান বানার আতোরেন সানাম হড়তে উনি সে উনকু দক একলা কওয়া। আর জোরতে গনং ক সিদি রুওয়ৗড়া। সুলুক তেক এপেম চাপাল লেনখান,সাকাম অড়েচ কৗমি তালাতে উনকিন দক বাপাগ কৗকিনা। অনকাগে কড়া পাহটারে কৗই ঞাম লেনখান, উনি কড়াটাঃ দ বৗগিয়েকান এ্য কুড়ি হপন যাতে জেওয়েৎ ভুর এ্য জম অৗসুল দাড়েয়াঃ মা, অনকা লেকা খরচ এম হুয়ুঃ তায়া। মিৎ কাথাতে আজাঃ অর্জ সে সোম্পোওি রেনাঃ তারা বাখরা উনি বৗগিয়েকান কুড়ি হপন এ ঞামা। অনা গেক লৗই আকাৎ আ তারা চাল অটাঃ দ। সাঁওতে মিৎ আঁড়ার ডাংরা, মিৎ বাঁদি হোড়ো আর মিৎটাং সাগাড় গাডি এমঃ হুয়ুঃ আ।
নওয়াহঁ লৗই তাঁহেন কানা, তায়মতে উনি তির্লৗ হপন এটাঃ রে গং লেনখান আদ অনা ক অৗইদৗর খন দ উনিদয় পুচুজঃ আ
Post a Comment