Santali poem
ইঞদ সান্তাড় কৗনৗঞ
মিৎটাং গে উপরুম তাবন অনাদ ভারতবাসী পারিস লৗইতে বাছানাও তাবন আবদ আদিবাসী ভেগার আরি, ভেগার ধরম এটাঃ জাতি খনাঃ লাকচার তালাতে নিতরেহঁ জিয়ৗড় দ মেনাঃ। দিশম রেনাঃ ভেগার পনতরে মেনাঃ বনা তিহিঞ এন্তেরেহঁ সান্তাড় লৗইতে গরবতো বাবন হিড়িঞ। রেঁগেচ অরেচ টামকা টাকুর আবদ খেরোয়ালবীর দুখ হারকেৎ আজম কাতে বাংবন তাঁহেন থির। হুডিঞ হাপড়াঃ বিচার বানুঃ আব দ সানাম পেড়া। সান্তাড় মেন্তে আপনার কাতে ঝত গেক রড়া। ইঞৗঃ জানাম ইঞৗঃ হারা অনাদ সান্তাড় তালারে মৗন মহৎ কামি হরা অনাহঁ দিশম তালারে, লাজাও বানুঃ বতর বানুঃ সান্তাড় উপরুম এমতে জাতি রেনাঃ ভিত মেনাঃ ভারত সংবিধান তালাতে। গুরু গংকে, সাধু কবি যাঁহা জাতিরে জেওয়েৎ সিদু-কানু আঃ হুলসৗই কাথা লৗই এদাক মাচেৎ; সরকারাঃ চেতান থকরে মেনাঃ কওয়া সান্তাড় বুদ আকিল কামি কাজরে গোটা দিশম পাকাড়, অনাতে তিহিঞ গরব কাতে লাইমে সান্তাড় কৗনৗঞ মৗন সালাঃ বহঃ তুল কাতে বাঞ্চাও তাঁহেন গিয়ৗঞ। এলেকাড়ি রড়, এলেকাড়ি রাহা, এলেকাড়ি হরঃ বাঁদে মেনাঃ বনা খেরওয়াল ছিতিবিতি তিহিঞ হঁ জাঁদে তাঁদে পাতা-পরব রেনাঃ মেলান ডাহিতে মনে জিওয়ীয় গহড় বুগি বাড়িচ কুলি বুঝৗও দিশম পেড়া সাঁও রপড়।
Post a Comment