Santali Poem
দুলৗড় বাবু
এ বাবু
দুলৗড় বেটা
বাম চেঠাঃ?
এ কুনু
দুলৗড় চুনু
আলঃ খুনুঃ
বেরেৎ মে
এভেনঃ মে
চেঠাঃ মে।
পুথি হবর মে
হমর বাগি মে
গাতে ক তাঁগি মে
অলঃ মে
পাড়হাঃ মে
হড় লেকা হড়ঃ মে।
দাড়ুরেন গিদরৗ ক
দাড়ুরেন গেল গটেন গিদরৗ
গোটা কুলহি ক ঞিরাঃ
মিৎটান দ আৎ সারিঃ
নিতোঃ হেনাঃ কোওয়া আরে।
দাড়ুরেন আরে গিদরৗ
চালাও এনাক সাহান হালাং
মিৎটান দ মাঃ কাতেৎ বার কঠরা
নিতো হেনা কোওয়া আরেল গটাং।
দাড়ুরেন আরেল গঠেন গিদরৗ
রেয়াড় দাকাক জম তায়
মিৎটান দ লাচ টুঃ তায়
নিতো হেনাঃ কোওয়া এয়ায়।
দাড়ুরেন এয়ায় গঠেন গিদরৗ
চালা আকো গাডা গুয়ুর গুয়ুর
মিৎ টান দ ডুবুচ অজুঃ আয়
নিতোঃ হেনা কোওয়া তুরুয়।
দাড়ুরেন তুরুয় গঠেন গিদরৗ
দেজঃ কানাক কাউহৗ দারে
মিৎটান দ লেঁজেৎ ঞুরুঃ
নিতো হেনা কোওয়া মঁড়ে।
দাড়ুরেন মঁড়ে গঠেন গিদরৗ
চালাও এনা ক বির ধারে
মিৎটান দ তারুপ লাচরে সেয়াঃ
নিতোঃ হেনা কোওয়া পোনয়া।
দাড়ুরেন পোনয়া গিদরৗ
সেরেঞ দুরাং ক হমরা
মিৎটান দ তাওয়াঃ গুজুঃ তায়ায়
নিতোঃ হেনা কোওয়া পেয়া।
দাড়ুরেন পেয়া গিদরৗ
হাকো সাব ক চালাঃ দরয়া
মিৎটান বোয়াড় হাকু লাচরেয় বায়ঃ
নিতোঃ হেনাঃ কোওয়া বারয়া।
দাড়ুরেন বারয়া গিদরৗ
বিরগাজাড় গাজাড় তেকিল ঞিরাঃ
মিৎটান দ ঝৗল হড়াঃজটেৎরে
নিতোঃ হেনায় মিৎ টান ঠঃরে।
দুলৗড় কুনু
হেনায় তালে দুলৗড় কুনু
আলম রৗগা খুনুঃ খুনুঃ
কিরিঞ আমালে রুনু ঝুনু
লাঁদা কেৎ আয় দুলৗড় চুনু।
আলে কুনু বায় রাগা
রঁগ দাকা বায় ভাগা
কয় লেখান রাগিয় ঝাগা
আডি জাস্তি হমর গা গা।
আঁজম মেসে মানা কাথা
দহঃ কাঃ মে শিহরি বাতা
সাব মেসে আরাঃ ছাতা
হবর মেসে বই খাতা।
নানা হুনৗরে আড়ি
মেৎ দাঃ লিঁগি জাড়ি
আডি উতৗর খিড়ি
খিলোড গেতয় সিড়ি।
হিনৗ নিয়ৗয় সাবা
আডি জোরে বা বা
রিয়ৗৎ দৗড় তা বা
রাগি বাং চ বাঃ।
আলম সাবা কুডি
সানাম কামি হাডিঃ
আলম সিম সাঁডিঃ
জাঁগা সামাঃ বাঁডি।
আলম ইদি টাগাঁ
বাং খান মাগঃ জাঁগা
আর হঁ কামি চাঁগা।
আলম খেলা কাতি
লাগা কমসে তিতি
বাংখান হিজুঃ হাতি
বানোঃ কোওয়া গুতি।
আলম খেলা গুজি
বাং খানেম গিজিঃ
আলম হোয়োঃ কাজি
হড়ক মেতাম পাজি।
আলম খেলা টির
বাং খান আকিল ঞির
বাং তাহেন মনে থির বির
স্কুল চালাঃ মে গির গির।
আলম খেলা বল
আডি গানেম ছল
মনে আলম তল
আকিল আলম খল।
পাটিয়ৗরেদুড়ুপ মে
মারশাল বাতি জেরেদ মে
অলঃ মে পাড়হা মে
আকিল বাতি জেরেদ মে।
সোহাগ বিটি
মেনায় তালে সোহাগ বিটি
দুলৗড় ঞুতুম হপন জাটি
ঞাম কেদায় থারি মাটি
সাব কেদায় থারি বাটি।
আলম সাবা থারি বাটি
দহঃ কাঃ মে জাম বাটি
বাং খান রাপু দাম খাঁটি
সোহাগ বিটি দুলৗড় জাটি।
তাওয়াঃ কেদায় আঁইঠা বাটি
ছুড়য়াউ কেদায় বুসুপ আটি
রাপুৎ কেদায় রাঁগা লাঠি
গিডি কেদায় থুবড়া বিনটি।
একাল আলম বালেঃ
পারকম আলম দলেঃ
নেতার হম কলেঃ
লাজাও বানোঃবলে।
আলম দাঁড়ান কালাং ডলাং
আলম চালাঃ ডিটৗড়ি হালাং
দহঃ কাঃ মে টুকুচ চেলাং
সেঁড়ায় মেসে পাটিয়া গালাং।
আলম খেলা লকা গুটি
কাথাম সাবা উটি উটি
বাম সাহাও আ ফুটি নাটি
গেদ মেসে মুনগাশুটি।
ধুড়ি দাকা সাকাম টাকা
আলম খেলা উতু দাকা
খিলোড আলম জাকা
ইস্কুল আলম ফাঁকা।
ইস্কুল সেনঃমে রিটি পিটি
অলঃ পাড়হাওরে তুড়ি পিটি
সোহাগ বিটি দুলৗড় জাটি
ঢাকা সাহায় মুরুক চটি।
চাকরি য়ায় পুলিশ
আঁজমায় হড়াঃ লালিশ
বানুঃ তায়া আড়িশ
বায় রড়াঃ রাবিশ।
হানি বেটা পকরটে
হানি বেটা পকরটে
রাচা রেগে দুড়ুপ লেটেঃ
এন রেঁহ বায় জেঠেঃ
জানিচ খানে রেঠেঃ।
পকরটে বায় চপে-
চে কাতে দাঃরে চাপে
কুলিয়েম নাহাঃ হাপে
তাড়ামায় লেপে লেপে।
পকরটে বাহু
জাঁওয়ায় কড়া কাহু
কুইলি কুহু কুহু
ঞেল কম সে বাহু।
লেড রে হঁয় জবেঃ
এন রেঁহ বায় কবেঃ
গোটা হড়ম ঠবেঃ
চেৎ এ জমা তবে?
আলম দালে কেট কেটে
তায়ম জাঁগায় ফেটে ফেটে
থৗয়ৗ লাগিৎ এটে চেটে
লাঁদা কেৎ আয় খেটে খেটে।
দন পারম কেৎ গয়রা
চেলাং রেগেয় পায়রাঃ
ঝত গেলে জাওরাঃ
পকরটে চৗউরৗঃ।
সাবে মেসে বেটা
চুলহা রেগে চেঠাঃ
হড়ম রাট পাটাঃ
জিওয়ী ছাট ফাটা।
আমদ বেটা রটে লেকা
আলম দনা হেকা ভেকা
তিনরেচং চেৎ চেকাঃ
হাসো জালা বাম টেকাঃ।
মারশাল রে দুড়ুপ মে
সাগেন সাকাম পাড়হাও মে
মুরুক দশা সাহায় মে
আকিল গেয়ান চেমেৎ মে
চাকরিয়াম পিয়ন
খাঁডাওয়াম জিয়ন
পারমাম সিয়ন
রৗসকৗ গয়ন।
Post a Comment